Skilmálar

Blöðin birta fríblöð og tímarit sem íslenskir útgefendur gefa út og gera aðgengileg. Þjónustan er ókeypis og ekki þarf að skrá sig.

Höfundarréttur og annar réttur að blöðunum og efni þeirra er hjá útgefendum þeirra og höfundum. Útgefendur bera ábyrgð á efninu og Blöðin birta það óbreytt.

Útlit, merki, texti og hugbúnaður vefsins og appsins eru eign Engine ehf. og njóta verndar höfundarréttar- og vörumerkjalaga. Óheimilt er að afrita þau eða nota án leyfis.

Þér er frjálst að lesa blöðin, leita í þeim og deila tenglum á þau. Óheimilt er að afrita blöðin kerfisbundið, sækja efni sjálfvirkt í stórum stíl eða endurbirta það án leyfis viðkomandi útgefanda. Óheimilt er einnig að trufla eða skerða virkni þjónustunnar, t.d. með óeðlilegu álagi, að reyna að komast fram hjá öryggisráðstöfunum hennar eða að nota hana í ólögmætum tilgangi.

Við getum lokað á umferð sem brýtur gegn skilmálunum, t.d. sjálfvirka söfnun efnis, án fyrirvara. Vakni grunur um lögbrot áskiljum við okkur rétt til að tilkynna það til yfirvalda.

Við gerum okkar besta til að Blöðin séu aðgengileg og rétt, en getum ekki ábyrgst að þjónustan sé alltaf tiltæk eða villulaus; hún getur rofnað, t.d. vegna bilana eða uppfærslna. Engine ehf. ber ekki ábyrgð á tjóni sem kann að hljótast af notkun þjónustunnar nema skylt sé samkvæmt lögum, og í engu tilviki á óbeinu eða afleiddu tjóni, svo sem glötuðum hagnaði. Við berum ekki ábyrgð á efni annarra vefja sem vísað er á.

Engine ehf. ber ekki ábyrgð á því ef þjónustan bregst vegna atvika sem félagið ræður ekki við, svo sem náttúruhamfara, verkfalla, aðgerða stjórnvalda, orkuskorts eða bilana hjá fjarskipta- og hýsingaraðilum.

Við getum breytt þessum skilmálum. Nýjasta útgáfan er alltaf á þessari síðu.

Um skilmálana gilda íslensk lög. Rísi ágreiningur skal reka mál fyrir Héraðsdómi Reykjavíkur.